2012年1月13日

瑞士旅行 2011 - 第11日 St. Gallen, Ebenalp, Appenzell

今朝早D起身,準備 check out,不過,食埋早餐先

去到 grand hall,超多人 ar,差唔多 full 晒,好彩仲有位。原來咁早食 breakfast 係多人D,而且大部份係亞洲旅行團。



食完上房執埋行李,落去 reception check out,然後坐一早同酒店叫定嘅 shuttle,車我地去火車站。

去到火車站,見仲有時間,即刻去火車站旁嘅便利店,用手機影低 Euro Million 嘅開彩結果,然後同老公快步上火車,呵呵,啱啱趕得切。



上到火車,即刻對下 Euro Million,哈,中左,中左1個字+2粒星,有16.6蚊瑞郎,而個 jackpot 仲未有人中,咁我地決定去到 St. Gallen 時,用贏左嘅$,再買,哈哈哈!!

呢程火車去 St. Gallen,都需時幾耐。首先,搭火車去 Chur,要2個鐘。



然後係 Chur 到轉車,再搭1個半鐘火車去 St. Gallen。

到左 St. Gallen,我地先去左 Tourist Information Center 到問下點樣去酒店。果到D人畀左張好鬼靚嘅 St. Gallen 巿地圖我地,係上面畫埋去酒店嘅路缐,話行去大約15分鐘。佢又話搭巴士都得,話埋巴士number (3號) 畀我地。最後,老公決定行去。

點知,行左15分鐘,仲未到,而且有D唔對路,咁我地停低路邊,攞張地圖黎硏究。係呢個時候,有對鬼佬夫婦,問我地有咩需要幫忙,咁我地咪問點樣去酒店,佢地硏究左張地圖一陣,就話搭幾多號巴士就到。多謝佢地之後,我地就去搭巴士 la。其實,一早就搭巴士 la,老公

我地係巿中心嘅果間超大 Coop 前面搭巴士,5分鐘就到。落左車,係我地左望右望應該點行嘅時候,巴士司機問我地去邊,我地話個酒店名,佢有D聽唔明個樣,咁老公話 casino,佢就 yes yes,指住前面方向,say thank you 後,司機開車走 la。乜 St. Gallen D 人咁鬼nice!!!

行前少少,就見到間酒店,終於到 la  Check in 完,睇下時間,比我地原定時間遲左,因為諗住搭 13:41 火車去 Ebenalp + Appenzell。

既然係咁,我地搭遲1班火車,而家先去 Coop 到入貨,再去買 Euro Million 獎卷。

攪掂晒D野,就出發去 Ebenalp 同埋 Appenzell。旅遊書無講呢2個地方,lonely planet 有講都係半頁紙,我係睇到 TVB 嘅塵世美旅遊節目,見到幾靚,就好想去。

http://www.ebenalp.ch/en/homesummer/

http://www.appenzellerland.ch/en/regionen-unterkuenfte

我地係 St. Gallen 火車站搭 9 分鐘火車去 Herisau 轉車,再搭 50 分鐘火車去 Wasserauen。沿途我地食麵包同飲朱古力當 lunch。



到左之後,就過對面馬路嘅吊車站,畀13.5瑞郎 per person for return trip,搭6分鐘吊車到 Ebenalp 山頂。



到左山頂,一出吊車站,就見到一大片綠油油、加瑞士屋仔嘅田園,好鬼好鬼靚!



我地係吊車站攞左張地圖,根據地圖方向行落山。條山路係山坡隔離,有對鬼佬夫婦凈係坐係山坡草地,望住山下個田園景,好寫意l。



如果無 delay 到,我地會跟住條山路落到山下,需時大約1個半多小時。依家唯有睇住時間行。

行了大約15分鐘,就見到個山洞,咁我地就走入去。



個山洞幾黑,得幾盞燈仔,而且幾凍,仲要地下好濕。不過有扶手畀人扶住落,有驚無險。

出左山洞,見到有間木屋,依間係開放畀人參觀,等人知道以前D人係無吊車情況下,點樣係山上起屋居住。



再行前,見到一個小型教堂。



繼續行,可能我地太妟,沿途無乜人。前D見到間酒店,去到呢度,我地就沿路掉頭走 lu。



我地落番去 Wasserauen 火車站,等火車去Appenzell,等嘅時候,好多蜜蜂ar



我地搭 11分鐘火車去 Appenzell,去到嘅時候,街上無乜人,可能已經係6點幾。

Appenzell 好多色彩繽紛嘅屋仔,地下多數係商店,除左餐廳,其他嘅已經閂左門。





我地係咁影相,行下行下,就見到間玩具店,門口放左好多雪姑七友嘅公仔。



行左一陣,就是但搵間餐廳 dinner。打開 menu,見到價錢,係我地咁多餐以黎最平ge。我地叫左個好似叫 hot dog 嘅物體,其實係 salami 孖條,有少少暖 ge,係我食過最最好食嘅 salami。另外叫左個 salad,係自助嘅。再叫左個烤雞,好熱好滑,正。



食完就搭火車番 St. Gallen lu。臨走仲見到彩虹,woo~~~

2012年1月11日

瑞士旅行 2011 - 第10日 St. Moritz, Guarda, Sils

瞓醒起身就食早餐,食完就出發去 Guarda。http://www.guarda.ch/index.php?lang=3&idcatside=86

首先搭巴士去 St. Moritz 火車站。



轉搭最快有嘅巴士去 Pontresina,需時約30分鐘,再搭火車去 Guarda 火車站,車程大約一個鐘。



到左即刻落火車,快步行去停左係隔離嘅巴士,即刻上車。



架巴士已 full 左,唯有企係度,一上齊人,就開車 la。架巴士係上山嘅,因為 Guarda 條村係山上面。

5分鐘就到左,一落車就見到一間間充滿 Engadin 文化嘅屋仔。





我地見有路就行,邊行邊影相。行左個幾鐘,就走 lu。

返到 Pontresina,又搭巴士去 Sils,40 分鐘車程就到。http://www.engadin.stmoritz.ch/sommer/en/

我地係 Sils\Segl Baselgia,Dotturas 落車,跟住行一小段路入去住宅,大約 5 分鐘就見到一大片一大片嘅花田,各類型嘅花都有,再前D就係 Sils 湖。其實個湖無乜特別,不過,一大片一大片嘅花田真係幾靚。





逗留左一個鐘到,就走 lu。返到 St. Moritz Dorf,就係 Coop 度買雪糕,坐係街邊食。

食完就去買朱古力做手信。我地㨂呢間所謂朱古力名店,係因為旅遊書介紹,話有百年歷史,咁我地咪試下 lor。

當時下午4點幾,可能佢地收5點 la,見我地入到黎係度慢慢揀,個 sales 塊面簡直黑到唔可以再黑。到我地揀完,佢面無笑容咁收$,連多謝都無句。早知係咁,我係 Interlaken 果陣時買。

上次黎嘅時候,就喺係 Interlaken 度買,買得好開心,sales 好有笑容同禮貌(其實正常大部份瑞士人都係咁),而且係好好味。今次諗住試下第2間,就出事la。今次D朱古力唔係唔好食,普通 lor。(極大可能係心理作用)

買完返酒店休息一陣,因為唔想周圍行搵野食,就揀左旅遊書介紹嘅餐廳,又搭巴士去 dinner。

車程3分鐘就到,入到間餐廳,見到牆上掛左隻好大嘅牛頭,不過侍應話係羊頭,哈哈!!



我點左個芝士火鍋,老公點左個燒羊扒。估唔到個燒羊扒咁鬼好食,好諗、肉汁 juicy、加少少蘇味,正





食完就慢慢行番去酒店,係個咁寧靜嘅環境,真係好舒服



2012年1月4日

瑞士旅行 2011 - 第9日 St. Moritz, Piz Nair

今朝9點先落去食早餐,好期待呢個早餐,並唔係特別好食,而係上次黎嘅時候,成個 grand hall 只係得2、3枱人,侍應非常有禮貌、照顧周到,我歎左 2 壺 coffee,坐左個幾鐘先走。

但今次好明顯係 peak seasons,有一半 hall full 左,而侍應亦都忙左、少左 D 笑容。但係,我地都好 enjoy 個早餐,因為好豐富,新鮮熱 la la 嘅牛角飽係我地嘅 favourite,加埋咖啡,簡直完美。我依然飲左2壼咖啡,哈!!!



跟住又行去 Coop 到入貨,買完返酒店放低D野,就出發去 Piz Nair。
http://www.stmoritz.ch/en/winter/village/mountains/corvigliapiz-nair.html

由酒店行去纜車站,只需 5 分鐘。搭纜車,3分鐘就到 Chantarella。係度等左7分鐘後,再轉另一架纜車去 Corviglia,呢程需時12分鐘。到左 Corviglia,就轉搭吊車。個吊車站好大風、好凍,等左8分鐘,吊車終於開 la,16分鐘後就到 Piz Nair。全程唔駛$,因有張 Engadin card。



去 Piz Nair,主要係因為呢個像(無硏究呢一隻究竟係乜,只係覺得如果企係果度影相,會幾型,哈!)



講真,行上去個像度,都有少少驚。個像係石仔斜坡上,斜坡就係山邊隔離,附近無圍欄。但企到上去,就好似個像咁,俯㒈晒成個 St. Moritz 湖,仲要有D風,果種居高臨下嘅感覺,好正!!!

另一邊望到 Silvaplana 果邊,雪山加湖景,估唔到咁鬼靚!!!






我地係度玩影相玩左好耐,我諗果度D行山人士,會覺得我地係傻 ga。



之後返去酒店,食今朝係 Coop 度買嘅朱古力牛角飽做 lunch,同埋我地買左檸檬茶同 Swiss Cider,就咁坐係房嘅 balcony 度,好正!





Hea 左一陣之後,我地係酒店對面搭巴士,係 St. Moritz Bad 球場落車,然後行去 St. Moritz 湖。我地圍住個湖慢慢行,邊行邊影相。不過,又係好大風,仲要愈行愈凍,係著唔夠衫嘅情況下,我地放棄遊湖一周。







行到去條天橋,就上天橋行捷徑,上番 St. Moritz Dorf。呢條捷徑係我上次黎嘅時候,一個人係度周圍盪,盪下盪下見到。好彩我見到條天橋,仲記得呢樣野。

條捷徑有幾條好長嘅扶手電梯,扶手電梯隔離係停車場,兩邊牆掛晒畫,行前D見到 The St. Moritz Design Gallery 幾隻字之後,就已經到左電梯頂,一出就係 St. Moritz 嘅名店街。除左扶手電梯,其實隔離都有苢搭。



返番酒店,又 hea 一陣,著番多D衫,就出去 dinner。我地搭巴士去 St. Moritz Bad,是但搵個站落車,行下行下,再是但搵間餐廳坐低。



今晚叫左一個意粉一個 risotto,食完叫左2個甜品,一個係 egg pudding,一個係 chocolate mousse。



Egg pudding 係我叫嘅,好普通嘅甜品,但自從上次黎瑞士食過之後,再無係其他地方食到咁好味嘅雞蛋布甸。而呢一個雞蛋布甸,絕對無令我失望,超開心!

食完就去附近巴士站等巴士,見巴士未黎,就走入去隔離嘅便利店,因為暖D同埋避雨(有D毛毛雨,幾凍)。

我地係間便利店周圍睇,然後係角落度見到有張枱仔,行埋去睇下,原來係賣 Euro Million 獎卷。而吸引我地嘅係個 jackpot,有2億瑞郞。我地即刻問下收銀我地買唔買得、點樣買,原來類似六合彩,最平一注3蚊瑞郞。我地買左2注,後日就會知派彩結果。

買完就繼續等巴士,等到就直返酒店 lu。