瑞士旅行 2011 - 後話

終於寫完瑞士旅行嘅 blog la ！

去完呢次之後，如果有機會再去，我會揀5月尾去，未到 peak season，人少D，同埋酒店都會平D。

我唔會揀冬天去瑞士，雖然有雪落，但所有野都係白濛濛、湖水結晒冰、又早天黑，同埋好凍。瑞士係要有綠山、藍湖、五顏六色嘅阿爾卑斯山花、終年積雪嘅雪山，先係最靚（個人認為）。

搭火車係最方便，因我地唔識揸車。而 swiss pass 係好有用，雖然我地 stay 左11日，但 15 days swiss pass 都平過逐程買車飛。

去左咁多地方，老公話佢最仲意 Zermatt，有遠足行程同埋上左雪山。我就仲意 St. Moritz，夠寧靜。有無一個地方可以唔駛去？我諗無，每一個地方都好靚，雖然可能有D要搭好耐火車、但只逗留數十分鐘，不過，我地旅行就係咁

我地買嘅手信，主要係朱古力，係專門店有買，亦係 Coop 度買，平 ar ma。另外買左D紀念品。我地無買 luxury goods，好貴。Even 瑞士軍刀、錶，好似同係香港買差唔多。（依家可能好D，瑞郎同歐元掛鈎後，瑞郎keep住係8)

講番之前係 St. Gallen 買嘅 Euro Millions 彩票，開彩結果係我地番黎香港果日，咁我地上網 check 番，一個字都唔中，唉，貪字得個貧。而個 jackpot，過左幾日後，新聞都有賣，係英國一對上左年紀嘅夫婦中左，勁 ar。

閱讀更多 »

瑞士旅行 2011 - 第12日 St. Gallen, Rheinfall

今朝老公起身就去 Coop 買牛角包、牛油（搽麵包用）、咖啡、蛋糕番酒店做早餐，因為酒店唔包早餐。但呢間酒店嘅房$係我地住咁多間最平，而呢間同我地係 Luzern 住果間係同一個集團，不過St. Gallen 呢間比起 Luzern 果間，係可以平成$100瑞郞一晚。

係酒店房食完早餐，就 check out，但放低行李係酒店，就出發去萊茵河瀑布 Rhine waterfall。http://www.rheinfall.ch/home

睇旅遊書嘅時候，佢係 suggest 由 St. Gallen 搭火車去 Schaffhausen，然後轉搭巴士係 Rheinfall 落車。不過，當我 search 完 google map 同 SBB 之後，發現 Schaffhausen 嘅巴士站同火車站有段距離，仲要唔係一條直路行。同時，係 google map 度睇到有另一個火車站直情係 Rheinfall 隔離，為怕行錯路，咁梗係揀搭火車搵陣 la。

我地由 St. Gallen 搭45分鐘火車去 Winterthur，然後轉車，再搭25分鐘火車去 Schloss Laufen am Rheinfall。

去到 ，就沿住石梯行上去城堡 Schloss Laufen，5分鐘就到，發現超多人ar。城堡入口係我地嘅左手邊，右手邊就見到好多人坐左係露天嘅枱同椅到食野，原來隔離有小食、雪糕賣。

再過D係 souvenir shop。跟住見到好多人係度排隊，行過去睇，原來係 ticket counter，排隊買飛入去城堡近距離睇瀑布。咁我地就排隊買飛，$5瑞郎一個人。

不過，我地唔入城堡住，而係行過去河對面。係小食店隔離有條路落去條橋到過河，其實條橋中間係火車軌，有火車經過（就係頭先我地搭黎嘅火車），而兩旁就係行人路。同埋條橋係瀑布嘅上游，係其中一個角度欣賞瀑布嘅地方。

我地過左橋，就沿住河邊，向下游方向行。我地邊行邊影相，大約一個鐘後，終於行到 Schlossli Worth，亦係瀑布嘅正面。響呢度可以畀$搭船，去聳立係瀑布前嘅大石上。呢樣野應該幾剌激，因瀑布前嘅河流係好急，但我地無玩，因時間唔係好夠。

係呢度影完相，就沿路走 la。返番去 Schloss Laufen 果邊，就去買小食 + Movenpick 當 lunch。

食完就入城堡，用頭先買嘅飛入閘。我地行緊嘅方向係落山，之後有好幾處地方畀人近距離接近瀑布，果D瀑布聲，都幾震撼。不過，超多遊客。

差唔多行到去個碼頭仔 (畀人搭船過對面河或去瀑布前嘅大石，不過要另畀$），就已經行完 la，大約玩左45分鐘吧。咁我地就去番頭先黎嘅火車站，就係前面幾步，返番去 St. Gallen lu。

返到 St. Gallen，已下午4點，咁我地就係舊城區周圍行，St. Gallen 嘅舊城區亦係世界文化遺產之一。

行到5點多，就諗住返去酒店附近搵間餐廳食 dinner。點知去到又落雨，咁就直接去酒店餐廳食。不過好攪笑係，我地同酒店餐廳嘅 waiter 講話食 dinner，佢話依家係 tea time，唔畀我地入去住，要6點鐘先入得（15分鐘後），叫我地坐門口等下。咁我地無乜所謂，就趁呢段時間上 free wifi，hahaha！

呢餐又一次證明左 St. Gallen D 野係平D，所以嗌多2個甜品，不過，都係 St. Moritz 果度好食D。

食完埋單，再去 reception 攞番行李，就去 Zurich airport，返香港 lu。

本身諗住搭 19:42 火車由 St. Gallen 去 Zurich Flughafen。去到火車站，睇下顯示屏，果時仲有 show 到19:42嘅火車係1號月台上車。跟住，火車站有一段廣播，當然唔知佢 up 咩。到左19:42，仲未見有火車黎，唔對路，再睇番顯示屏，已經無左19:42嘅火車，只 show 下一班去 Zurich Flughafen 係19:48，2號月台開出。

嘩，即刻推住行李，拿拿臨走過去2號月台，好彩上到車，真係嚇親。約50分鐘後，就到左 Zurich airport lu。

搭 Swiss airline，去到機場，有 self-service check in machine，入番 name、passport no.、ticket no. 之類，就 check in 完 la。浄係需要排隊將行李寄倉。之後順利上機，平安番到香港 lu。

閱讀更多 »