結婚籌備十三 - 結婚戒指、Menu tasting

結婚戒指係7月嘅時候已經買左。

我對結婚戒指無乜特別喜好，上網 search 過，見D戒指多數都係簡約款式。

咁我亦無要求要有鑽石款，因為一黎好貴、二黎求婚時已經有一隻、三黎我本身唔係好仲意戴飾物，尤其係戒指同耳環。（我結婚後，都無乜點戴過！）

我地去左 Cartier 同 Tiffany 睇，基本上，款式真係無乜特別，咁就揀左 Cartier，因為 Tiffany
啱啱加左價。

本來，我眼望玫瑰金色好似幾靚，但試戴上手，我發覺我唔襯隻色。所以，我地揀左對銀色嘅，淨係刻左我地個名係內環。

8月尾，去左半島 menu tasting，試食果日婚宴嘅菜式。呢個係唔駛$嘅，包4位人用。

由於我地結婚唔請朋友，老公就叫我嗌D朋友去食，咁即係我要嗌3位朋友。呢個係一個幾難嘅任務，我諗左好耐，先諗到請邊3個 friend。

Menu tasting 係 Spring Moon 度食，果晚無乜人，我諗我地果枱係食得比較嘈，無辦法啦，4個女仔食野係嘈D ga la。

食完個chef會走出黎問番我地意見，佢就一路 mark 低我地意見、一路解釋碟菜用咩煮。

呢晚食得好開心，服務好就一定 ga la，最重要係結婚果晚，我地有畀意見嘅菜式，佢真係有改進，而且係好食好多 lor 

閱讀更多 »

結婚籌備十二 - Van 仔、場地布置、修甲、婚紗相、安床

8月尾，結婚前2個禮拜，好多濕碎野要攪。除左去 final fit 之外，仲要搵 van 仔用黎接載親友。

上網 search 結婚用 van 仔，揀個較多人用過嘅，打電話去問價。因為果日係平日，用車時間係下午，佢話唔係繁忙時間，28座 van 仔，先去男家、然後去女家、再出去酒店，收$600，合理。

跟住，decoration 嘅 Joyce 問我整左 backdrop logo 未？哈，我完全唔記得呢樣野！不過正常
ar，咁多野要攪，實有野做漏！哈哈哈！

咁就叫埋 Joyce 幫我安排。Sorry，又係咁'文'要佢做野

係結婚前3個月，做 facial 做得密左，一個禮拜一次。

而結婚前3個禮拜，做埋修手腳甲，4、5日去一次。其實，試過係屋企自己同自己修甲同搽甲油，但手唔夠定，整得唔靚，都係幫襯人地專業ge。

我唔係好鐘意果D gel 甲、水晶甲，覺得唔方便，所以我揀淨搽甲油，已經好靚 ga la。

結婚前1個禮拜，有得攞 pre-wedding photo 相簿、油畫、簽名布。原來都幾重，等我仲浄係叫老公1個人去攞 

其實，結婚前5日，係紫微斗數師父幫我擇嘅安床吉日。不過，mum 都無再問，床又一早已經係度，咁就乜都唔做，就當做左安床儀式 

閱讀更多 »

結婚籌備十一 - 結婚用品、Final fitting

由8月中開始，就開始買各樣ge結婚用品。因為我成日出尖咀，就順便去百利買，不過次次都買漏野，所以前後都去左三、四次。

係百利訂左對褂鞋，老細話間廠嘅訂單，要排到一個月先起到貨。我同佢講話3個禮拜後要用，可唔可以快D，咁老細話幫我插隊wo，唔駛加$。Good！

另外，入左間中式結婚用品嘅舖頭，買左3種囍字利是封，用黎入利是，果日畀兄弟姊妹、攝影化妝、酒店各工作人員......基本上見人就畀（我記得要畀 ga wa）。

再問老細有無對聯，佢畀左一張卡紙我揀，上面有幾對對聯，分男家同女家。咁我問男女家可唔可揀埋同一對對聯，佢話得，咁就買左2對一模一樣嘅。我怕唔同嘅話，買左番去之後，分唔番邊個係男家、邊個係女家，因為我完全唔明D對聯嘅意思。

又買左囍字貼，男女家各4個。仲有紅傘一把、囍字跪墊一 pair、男女雙方上頭用品各一 pack。

係果間鋪頭，有埋戒指枕，買左個款式最簡單ge。

另外，係文具舖買簽名筆、禮金袋。

8月尾，就去婚紗晚裝嘅舖頭做 final fitting。由於我懶得再搵鋪頭，姊妹裙都係喺我租晚裝果間度租，所以我就約埋一齊 final fit。原本諗住，佢地見過我揀嘅晚裝，果日佢地幫手換衫嘅時候，都識得幫我著。不過，我係多餘ge，我忘記左 Sylvia 係會幫埋手換衫。

其實，我 final fit 都幾求其，試左上身，由得果D阿姐話邊到邊到要改，咁就 ok，我都無乜特別意見。好快就搞掂。

閱讀更多 »