2012年10月30日

瑞士旅行 2012 - Day7 Grindelwald, Brienz, Zermatt

食完早餐,check out左,但暫時放低行李係B&B,然後出發去Grindelwald。

係Grindelwald周圍行,行左約1粒鐘,就去番Interlaken Ost火車站。











係火車站隔離,就係碼頭,我地係度搭船遊Brienz湖。









本來坐船頭,影完一輪相之後,愈坐愈凍,因為都幾大風。所以轉去船尾度坐,貪佢有太陽晒住,暖D。

我地坐到Brienz就落船,之後係Brienz行左一陣,就搭番火車番Interlaken,再係Interlaken行左一陣,然後番B&B攞行李,又搭火車去Zermatt。

去到Zermatt已下晏6點,係B&B放低行李,就去Coop補貨。

之後沿住大路行,行完就是但揾間餐廳dinner。

2012年10月29日

瑞士旅行 2012 - Day6 Jungfraujoch, Wengen, Lauterbrunnen

今朝早餐由B&B老闆整,都係麵包芝士cold cut。

食完就去Interlaken Ost火車站,係ticket counter買少女峰return ticket,仲送左本少女峰車站100週年紀念嘅簡體字pass,作為留念。



首先要係Grindelwald轉車,然後再係Kleine Scheidegg轉車,之後到左Eigerwand、Eismeer觀景台,火車會停10分鐘,畀遊客落車去觀景台欣賞窗外雪山美景。



一出Jungfraujoch,已堆滿晒遊客。跟住周圍行,較為有興趣嘅係Ice Palace、Sphinx、Plateaux,其他無乜特別。另外仲有個Snow Fun,有各種雪地活動可以玩,但要畀$$$。







一定要去Plateaux,因為可以踏出雪地玩。不過,好凍,仲要有一兩陣大風,大風度有D企唔穩,要慢慢行,但好猛太陽。我已經將帶黎嘅冬天衫著晒上身、加埋手套,先叫ok。但有班鬼仔係度玩野,除晒衫、剩番條底底,見到戥佢凍





係度除左望到Aletsch glacier,另一邊遠望就係一排排山脈,根據地理位置,果邊應該係法國、德國。

回程嘅時候,去到Wengen就落車,然後健行去Lauterbrunnen。落左雪山,太陽伯伯依然係度,所以行下行下有D熱。









去到Lauterbrunnen,就係條大街度行,買左D手信,行到去個瀑布,就上埋去瀑布嘅後面。上去條路好斜,而且愈黎愈濕。盡頭只係去到瀑布嘅中間高度,但就係佢後面,其實無乜特別。



之後番去Interlaken,買左朱古力手信,然後dinner,食完就番B&B。

2012年10月26日

瑞士旅行 2012 - Day5 Bern, Interlaken

又係車聲做morning call!

食完早餐,就check out,一踏出酒店,就發覺落緊雪。但唔得閒影相,一黎推住行李去巴士站,二黎超凍ar。

原本諗住搭巴士去Samedan,約25分鐘,然後轉搭火車,再開始4個幾鐘嘅火車去Bern。

但今朝再check SBB sch,發覺有架巴士直去Chur,但要坐2粒幾鐘。既然未搭過長途巴,就試
下坐。

原來架巴士係先上山,跨過唔知幾多個山頭,再落番去Chur。

開頭上山部份,眼見嘅地方已經積晒雪。架巴士係雪山群中走過,風景係好靚。愈遠離St. Moritz,積雪就愈黎愈少lu。而且巴士途經嘅路線,比起火車,更近民居,係另一種欣賞瑞士風光嘅方法。不過,長途巴唔似火車咁,要忍受中途無得去洗手間law。

去到Chur,轉搭火車去Bern。

到Bern嘅時候,已下午1點幾,好肚餓,但又覺得好唔舒服、好似想嘔、好焗促搵間餐廳坐低左,求其嗌左個意粉,但食左幾啖就無食,一黎碟野係辣ge,二黎食唔落。

坐左一陣,之後係Coop度買左個麵包,又食得落wo,食完仲有番D精神。我懷疑可能係餓過頭,而且本身個胃已經唔係咁好,一黎就食辣意粉,所以食唔落。

精神番就攞相機出黎周圍影相,但發覺Bern呢度超多人、超多遊客。







周圍行嘅時候,個鼻無la la流鼻水,搵紙巾抹完先知係流鼻血,仲要keep住流,過左成5分鐘先止到血。唉...好明顯之前係St. Moritz太凍,D冷風傷到個鼻

係Bern行左一陣,就搭火車去Interlaken。其實,Bern無乜好睇,又多人,真係到此一遊已經夠喇。

到左Interlaken,就推住行李去搵今晚住嘅B&B,搵左好耐先搵到。呢間房係呢個trip最大、最唔嘈嘅一間,但離火車站係最遠。

放低行李,就快步去Coop度買水、飲品、麵包、蛋糕傍身,因為唔想之後再捱餓,又攪到唔舒服。

之後是但搵間餐廳,食完就返B&B lu。

2012年10月25日

瑞士旅行 2012 - Day4 Sils, Fex Valley, St. Moritz

又係一早畀車聲嘈醒

呢間酒店係包自助早餐,算係呢個trip最豐富嘅早餐。不過,對我無咩分別,我都係食麵包、cold cut同飲熱茶。

食完搭巴士去Sils。呢度天氣明顯好凍,著左好多衫先出門,有抓毛外套、羽絨、頸巾,同埋遮,因為落緊雨。

到左Sils,問完人係邊度搭馬車去Fex Valley,見仲有時間,就行去Sils湖。沿路無乜人,愈近湖邊,風愈大,好鬼凍。







到左差唔多時候要番去搭馬車,就回頭走,因為唔想再重複琴日咁趕頭趕命。

我地匿係Hotel Sils Maria入面等馬車,因為出面又凍又落雨。過左一陣,架馬車已停左係出面,見有個帳篷搭起左黎擋雨,我地就上馬車。

酒店D人話呢架馬車係每日都有,我諗如果無我地2個,佢依然開去Fex Valley,因為佢有個固定行走時間表。

果2隻馬都有帳篷冚住係身,車伕亦有著雨褸,因為佢要淋住雨駕車。如果同佢溝通,有D難,佢D英文唔係好好。

原本架馬車應該可以坐到9個人(如果以亞洲身型黎計),但落雨關係,到左夠鐘出發,都係得我地2個,哈!亦因為咁,我地先可以係架車上面,好free咁前後左右轉身影相

相信如果好天嘅話,風景會好靚。不過,我又覺得落雨大霧嘅風景,又有另一番味道!









約1粒鐘後,到左終點Hotel Fex。架馬車要1個多小時後先回程,我地就係酒店入面食個lunch。



間餐廳只有我地2個,同一對外國夫婦。佢地一身行山裝備,問我地係咪hiking,我答唔係ar,係坐馬車黎。跟住我話today is very cold,個男人笑住答話it's cool today。我再話now is raining,個女人笑住答it's ok。

如果畀著我係香港,係唔會落雨行山。同埋,我身體潺弱,對於呢度接近零度天氣,我係覺得vvvvvvvvvvery cold!!!

食完lunch,原本諗住早D上馬車,佢就會早D開車,反正得我地2個。但佢依然係等到夠鐘先開車。



回程路就少左影相,因為愈黎愈大風、愈黎愈凍。

之後返去酒店休息一陣,加番羊毛底,再出去St. Moritz湖度行。





天氣仲凍左大風左,要用頸巾冚住口鼻,先頂得順。行下行下,先發覺湖邊嘅野花已經無乜,景色同上次7月頭黎嘅時候,差好遠law。

行完上St. Moritz Dorf兜個圈,然後搭巴士落番St. Moritz Bad度搵野食。不過,搵唔岩,就番去我地酒店間餐廳度dinner。

個frd話想食raclette,而我又岩岩食晒D藥,雖然個胃仲有D頂住,但黎到瑞士點都要食raclette ga la,所以叫左1個raclette同1客salad。

我諗住1個raclette唔夠食,因為我之前係瑞士食唔係好大碟,所以嗌多個salad。點知呢度畀左6大塊芝士加一個細電爐我地,自助形式整raclette。

雖然,自己整溶D芝士都幾得意,不過,硬係覺得無地道人整得咁好食,仲要溶極個邊都係硬ge,感覺怪怪地。而且食左一塊之後已覺得好漏好飽,最後我食多半塊度,怕個胃又唔舒服,就投降。

2012年10月18日

瑞士旅行 2012 - Day3 Ebenalp, Appenzell, Silvaplana

好早已被屋外嘅車聲、火車聲嘈醒左,呢間房好應聲。

早餐係B&B老闆娘整,ok la,有麵包、幾塊芝士cold cut、生果、烚蛋。我主要食麵包同飲熱茶,其他嘅芝士、蛋、咖啡,我都要忍口但都食左1、2塊cold cut law。

Check out 左,放低行李係B&B,睇下錶,仲有5分鐘就有火車,即刻跑住衝向火車站,仲要係上斜。好彩離遠見到有人已企係火車站,因為呢個站係Stop on request,要喺個站度㩒制,架火車先會停。我地只係比架車早1分鐘到。

去到Ebenalp,我地由山上吊車站開始,行落去個山洞、教堂、酒店,條路係ok好行。然後由酒店另一邊行番上去吊車站,呢條路就難行少少。












之後去Appenzell度行,因時間緊迫,好快就坐低食lunch。







亦好快食完,發覺仲有3分鐘要搭火車,即趕返去Appenzell火車站,但已開走左。呢班12:38火車係搭番去B&B度攞行李,然後行去Hirschberg火車站,再搭13:10火車去Silvaplana。

等下一班嘅話,要1粒鐘,即係變左要夜晚7點幾先到Silvaplana。我地唔想咁晏,於是,我地快步帶跑,由Appenzell去番B&B攞行李,再去Hirschberg火車站。呢轉已經無力,好攰但係最後2分鐘,岩岩好趕得切上到火車。

去到Silvaplana間酒店,放低行李就係附近餐廳食dinner。食完後,冒雨快步返酒店休息。

2012年10月12日

瑞士旅行 2012 - Day1,2 Luzern, Appenzell, St. Gallen

下晏6點幾飛機,飛7個幾鐘到Doha,原本要等2個幾鐘先再轉機,點知班機仲要delay2粒鐘 唉,喺人地超眼瞓嘅時候攪D咁嘅野,真係想die。

另外,有樣野都好唔掂(尤其喺我超攰嘅時候):我地班機係Doha,唔係泊係機場閘口,而係泊係機場中間,無論上落都要搭接駁車,呢駕野搭親都要4、5個字,真係企係度都瞓著

早上8點幾到Zurich,即去火車站買Swiss Pass。之前去果2次,都係排counter買,今次排完一條蛇餅之後,埋到counter,佢話Swiss Pass係轉角位度買。

我好出奇,但照行過去,有個地方叫咩Travel Agency,走入去排隊,見到前面D人真係買緊Swiss Pass。

今次SBB有promotion,4-days Swiss Saver Pass 2人同行1人價錢,咁我地就頭4日買一張,尾4日再買一張,每人只係畀CHF226就可以玩8日。

之後搭火車去Luzern遊覽,原本諗住用火車站嘅locker黎放低行李,點知我個喼太大,連最大size嘅locker都唔夠我用。唯有去info center問下,佢叫我去樓下SBB office度存放,要畀CHF10。

攪掂完就出發遊Luzern,天氣好好,9月份仲有猛烈陽光。



周圍行左約2個鐘,就坐火車去Appenzell間B&B。臨上火車前,係車站買麵包食。

今晚瞓嘅地方,其實離Appenzell都幾遠,最近嘅火車站叫Hirschberg,係睇google map搵到。

去到B&B已5點幾,放低行李就出番去St. Gallen到行。



晚飯係St. Gallen是但搵間餐廳食。番到B&B已差唔多10點。好攰,沖完涼即瞓。

2012年10月3日

瑞士旅行 2012 - 準備

9月中去左瑞士旅行,呢次旅行係幾突然嘅決定。

事緣係5月尾嘅一次朋友飯聚時,有個frd無啦啦提起去布吉旅行,搵人倍。我話no la,對布吉無乜興趣,如果去歐洲,我就去。

點知另一個frd和應都想去歐洲,突然間,攪到我真係好想好想去旅行,就咁決定左去歐洲la。

地點原本我想去意大利,但2個女仔去其實有D危險。有諗過捷克、奧地利、匈牙利......但
search完D相關旅遊blog,只係某一兩個地方值得去...最後,都係決定去Swiss。我個frd未去過,而我志在有得去旅行hea下。

呢次去Swiss駛左好少$$$。飛機搭Qatar airline,只係$7xxx每張機票,不過要係Doha轉機,同埋D時間唔係幾靚。住就係B&B。

D遊覽景點,係由個frd決定,我負責安排行程同交通時間,其實即係上SBB同Google map到search下就ok la。

出發前2日,係結婚1週年紀念,我同老公去左半島食dinner慶祝。不過,可能食得太開懷,攪到第2日胃痛同肚痾。醫生叫我呢幾日唔好食酸辣、咖啡、牛奶、凍水。我仲問佢可唔可以食芝士,佢話唔可以。OMG!去瑞士無得食芝士、飲咖啡白酒,簡直無晒樂趣。

唉!但點都要出發ga la!唯有帶埋藥、旅行用電水煲、暖水壺,就咁出發la。

2012年10月1日

瑞士旅行 Swiss holidays 2012 - 相簿

剛係9月去左瑞士旅行,今次唔係同老公去,而係同個friend去。

而且今次影嘅相比較少,因為大部份地方之前已經去過,所以我多數齋睇風景已經足夠 

相簿係呢條 link:

http://ellasphotosss.shutterfly.com/pictures/123

(之前webshots條link已經畀webshots upgrade interface時廢左,超唔開心)