瑞士旅行 2012 - Day9,10 Lausanne, Geneva

食完早餐，check out埋，就搭火車去Lausanne。

去Lausanne，係因為我地要去Geneva Airport，搭機番HK。但班機係下晏3點幾，所以中間有少少時間就去Lausanne行下。

到左Lausanne，就是但行，因為我無硏究過呢度有咩景點，志在周圍行下。

行左1粒鐘，就搭番火車去Geneva Airport。

但我就唔係咁仲意Lausanne，可能近法國，係火車站同附近街都聞到尿厄味。

呢樣野即刻令我諗番之前去法國旅行，聞名於世嘅Metro。聞名原因之一、佢係全世界最早嘅地下鐵路；原因之二、係每一個站都有臭尿厄味。

我仲好記得，係Lausanne火車站果D locker，一打開，都有陣味。

之後，係比較細D嘅日內瓦機場，順利搭飛機番到HK lu。

閱讀更多 »

瑞士旅行 2012 - Day8 Zermatt, Gornergrat, Riffelsee, Stellisee

呢間B&B包自助早餐，食完就搭火車去Gornergrat。

雖然呢度都有D凍，但上到山嘅時候，個太陽晒到正，愈企愈熱。同埋，呢度都有好多旅行團黎。好彩可以行嘅地方夠大，不至於好似少女峰咁逼。

近住火車站，有個鬼佬係度賣佢自己畫嘅畫，大部份都係以Matterhorn做背景ge，其他嘅係瑞士主要名勝。佢問完知道我地係HK黎（佢開頭係用日文打招呼ge），就話開心可以用番英文同我地溝通（大家咁話）。佢叫咩名，已經唔記得左，佢話佢係英國黎瑞士住左十幾年la wo。

咁岩諗起老公一路都想買一幅畫掛起廳，所以就買左一幅Matterhorn做背景、夏天時綠草滿地、仲有個小教堂、半張A4度大嘅畫，講價後CHF40成交，當係畀老公嘅手信

係度見到有隻聖班納犬同遊人影相，背景梗係Matterhorn la，個負責人不斷叫人埋去影，佢話影唔駛收$，影完後去番山下睇相，岩就CHF10一張。

咁我就埋去影，隻狗坐係地下，阿攝影師叫我單膝跪係地下，再搭住佢；隻狗之後趴左係地，阿攝影師叫我趴埋地，再搭住佢，咁就影完la。隻狗由頭到尾都非常乖，不過，無乜表情。好明顯佢對同遊客影相已經麻木左lu。

係Gornergrat行完，就搭火車落山，然後係Rotenboden中途站落車，行去Riffelsee，再健行到Riffelberg，ok好行，之後就搭番火車落巿中心。

番酒店放低D衫，因為都幾熱，食左件cake，就搭吊車上Blauherd。

呢日係吊車關閉前一日，之後做定期維修，到冬天再開番。行去Stellisee途中，離遠見到黑白羊，即係前半身係黑身毛、後半身係白色毛，可惜距離太遠la。

去到Stellisee，可能下晏太曬，熱氣上升攪到有風，湖面已經有些少波紋，睇唔到Matterhorn倒影。但好多人依然係湖邊野餐、瞓覺，好寫意lei。

之後行番去Blauherd，搭番吊車去Zermatt。

係大街周圍行買手信，同埋買左一張同聖班納犬嘅合照，然後dinner。

閱讀更多 »