馬爾代夫旅行 2012 - 後話

如果再有下次，我一定唔會揀要轉機先到Male，同一定唔㨂坐水上飛機先到嘅resort。

如果真係咁嘅話，就唔駛係度呆等轉機，唔駛夜媽媽先到埗，唔駛半夜先瞓覺，唔駛瞓3、4粒鐘就要起身，唔駛係唔夠瞓情況下又呆等seaplane，唔駛係好攰情況下又熱又逼又嘈咁坐seaplane，唔駛係Male度kill time呆等搭機番HK。

因為我地係想relax去旅行，而唔係要轉幾次機、幾次艇，尤其係要半夜到埗同半夜轉機，簡直攰死

頭尾都要咁舟車勞頓，歎嘅只係中間果3、4日，其實即係無乜點真正休息過。

不過，唔去過，真係唔知。應該都係年紀大、機器壞

依家HK有直航去Male，d時間靚好多。同埋只要搭快艇就到嘅resort，可以唔駛係Male過一晚，直去resort度休息。咁樣，對我地黎講，係舒服好多！

原本，係決定去Maldives之前，我ge dream destination 係Tahiti。但淨係搭飛機，已經起碼要20個令鐘，果時個心已1516，唔知自己頂唔頂得順咁長ge機程，就諗住先去Maldives體驗下。哈，結果呢次旅行已經反映左出黎，我地係無咁大ge能耐，搭超長程機去Tahiti天堂。唉！

另外，當離開resort、而又未夠鐘搭飛機，但又唔想周圍行Male，如果resort安排到一個又近機場、又舒適乾淨嘅地方畀我地kill time，咁就perfect la。

我係其他blog見到，Conrad個seaplane VIP lounge係超大超靚，仲可以畀你留低休息，兼有晚餐供應，舒舒服服咁等到去機場。

不過，要另外畀$。但我地寧願畀$，好過周圍盪。

我地間resort就無咁ge安排，佢地個lounge係下晏5點就收工la，而且個lounge嘅面積只係比起Traders Hotel間房大少少，同Conrad果個係無得比law。

講番resort，除左係房附近無乜珊瑚同魚之外（唔計另畀$出海），呢間resort都ok，間房係超大超靚超舒服。

D staff係超nice，同願意幫你解決任何問題。亦因為咁，佢地好仲意係你用餐嘅時候，成日走過黎同你傾偈，Manzaru 意大利餐廳同水底餐廳就好d，走過黎嘅frequency少d。

餐廳嘅食物水準好好，有多國菜式選擇，尤其係Manzaru 意大利餐廳，超好食

閱讀更多 »

馬爾代夫旅行 2012 - Day7 Singapore airport, HK

第7日只係由Male嘅11點幾機，飛到Singapore機場等轉機。

我地一上機就瞓，無食飛機餐。但只係斷斷續續瞓左5個鐘到，就好攰好攰咁落機。

雖然今次轉機只係等個令鐘，但實在太攰嘅關係，我地好似行屍走肉咁，行到去登機閘口前坐低，中途買左2支水飲。

終於等到入閘，不過，入到去又係等上機。唉，好鬼攰

半個鐘後，上左飛機，又瞓過。

瞓左2個鐘，飛機餐先派到黎，因為呢架係A380，太大太多人嘅關係，要攪左咁耐先到我地度。

我同老公都有D肚餓，同有番d精神，咁就食左個飛機早餐。

食完，收埋野，都差唔多到HK lu

閱讀更多 »

馬爾代夫旅行 2012 - Day6 Anantara Kihavah Villas, Male

今日係最後一日la。

本身check out time好似係正午12點，而飛機番HK最快係夜晚10點幾，新航係11點幾。

所以離開resort後，中間就會有大把時間唔知做乜好。通常第一次去馬爾代夫玩嘅，會善用呢段空檔去馬里觀光。呢樣野resort可以安排埋。

但出發前，我見人地D blog，對馬里嘅評價都係普通。而且我地又懶，費時又周圍行，所以我
地同resort request late check out。

HK個agent叫我可以係最後一日先做spa，開頭我有d猶疑，驚book last day 先做spa，如果resort安排唔到我地late check out，兼安排唔到seaplane番Male，咁咪大wok。

由第1日去到resort，已經問villa host可唔可以late check out，佢好standard咁答話視乎當天客房緊唔緊張。

Ok，佢咁答我，咁我地就無再問。過多2日，我同villa host講話book last day做massage。佢問我想book幾點，我話下晏1點，做個半鐘。同時，再問佢咁可唔可以late check out，然後安排埋seaplane番Male。佢話幫我問下，再答覆我。

過左1日，佢話resort安排到late check out到下晏4點半，seaplane安排左5點，massage book 左1點。

實在太好la，咁可以係resort hea多陣

今日活動無乜特別。不過，係食早餐嘅時候，d staff 知我地今日last day，係咁同我地傾偈，臨走仲表現得依依不捨。

見仲早，再周圍行下。

返房開始執行李。等到12:45，call架buggy車我去spa centre。老公唔仲意做massage，佢就留係房hea。

去到spa centre reception，先揀做邊種massage，再填簡單問卷，寫下自己身體邊度特別攰、選擇力度之類，就帶我入去其中一間水中獨立屋。

個按摩師先叫我沖涼。沖完涼就開始按摩la，面向下嘅時候，地板係玻璃，可以畀你見到d魚游黎游去，而且呢度d魚真係多d ga。

所以，間唔時望下d魚，或者閉目養神，好舒服lei。好快就過左90分鐘，出返去reception，佢畀左杯凍嘅茶我。但同時間，個staff又叫我填evaluation form。

係我想好好享受杯茶嘅時候（如果係番間房、對住大海個環境度歎茶，就會更好law），要填張咁嘅野，好鬼掃興law。

走嘅時候，又落雨，叫個staff call buggy車我返房。

返到房，又再沖涼，然後執埋d行李。

等到4點，就先將行李擺係房門口。

過左一陣，housekeeper入黎執房。又過左無耐，villa host黎接我地去reception check out。

Check out 完，畀埋食飯、活動嘅$，佢叫我地過對面嘅library坐低等。

之後，見到多4 pairs couples又係呢個時間check out。

等左20分鐘，就起行去碼頭，搭快艇去海中心浮台。

呢個時候，CEO同另一個唔知乜水，又黎同我地話別。

等我地上晒艇，一路去到浮台，擰番轉頭見到CEO同其他7、8個staff，企晒係碼頭邊，不停咁揮手送別，直至所有人上晒seaplane。好好嘅服務態度！

返到馬里機場，已經6點。之後同個staff講，我地想去返Traders Hotel度dinner，因為唔想坐係個又多人兼吸煙（無論遊客同本地人）、又熱又無冷氣、又殘舊個機場等check in。因為去Traders Hotel要再安排坐快艇，個staff suggest 我地去Hulhule Island Hotel，間野搭酒店shuttle，幾分鐘就到。咁我地梗係ok la，近d方便d。

我地將d行李存放左係機場，每件US$5。個staff同我地一齊等，2分鐘後已經有shuttle la。

間酒店好大，但好舊，d員工話食野可以去地下間cafe或4樓間餐廳。去4樓睇下，發覺食bbq，完全無興趣。去返地下間cafe，見有好多野食揀，就坐低左。

無乜胃口，叫左一個意粉、一個pizza，但係唔好食law，唉，填飽肚就算la，因為我地諗住一上機就瞓覺，唔食飛機餐。隔離幾枱坐晒班麻甩佬係度煲煙吹水，好嘈。

食完坐係lobby等，去埋個洗手間，比起Traders Hotel好污糟。個令鐘後，等到8點半，差d瞓著，就搭番shuttle去機場check in。

攞番行李，過關，機場侯機室係超多人。

又個令鐘後，終於上機la，瞓覺。

閱讀更多 »

馬爾代夫旅行 2012 - Day5 Anantara Kihavah Villas

今日嘅活動同琴日差唔多。

瞓醒食早餐，Plates果度D員工已認得我地，同記得我地仲意坐邊、飲咩、睇咩報紙。

食完係沙灘行返房，見到有3、4條baby shark係淺灘度。即刻攞相機，再慢慢行埋去影相。但佢地feel到有人，就即刻游走左lu

老公又瞓左個令鐘晏覺，我又係度hea。

天開始落雨，落左2個鐘度，就停左。我地又出去resort周圍影相。

我地無join resort其他活動。因為老公隻耳之前有D事，醫生叫佢唔好diving，snorkeling都可以，但要戴耳塞。所以diving就一定唔玩，咁deep water snorkeling，就係我話唔好，始終怕佢耳仔有事（淺水好似安全d)。有d活動係free嘅，好似cooking class，yoga class，我地又無乜興趣。

個天有D陰，影左無耐，就返房lu。

Hea度7點，villa host黎接我地去水底餐廳dinner，呢個係HK book package時，已經book埋同畀埋$。

去到門口，先畀左杯welcome drink，係唔知咩味嘅藍色飲品。

之後坐低，喺一個唔係好大嘅圓形地方，全部都係落地大玻璃，玻璃後面就係好多好多魚、鮮豔嘅珊瑚、同其他不知名嘅海洋生物。D枱就主要沿住玻璃咁擺。

佢呢度得1個set menu，只有appetizer、main dish、同dessert，而每類有2種款式可以揀。另外，畀多大約HK$ 2百令蚊，餐廳會將每樣食物配搭唔同嘅餐酒。

我地無嗌呢個wine pairing，因為我唔係好想一餐飯溝咁多酒飲。

每張枱上面都有一本書，係有好靚嘅插圖、講解Maldives常見嘅海洋生物。

坐左一陣，睇下個海底，真係好靚。果然畀$睇，係睇得多D野，始終D珊瑚係餐廳特登移植係玻璃後面，再吸引到D魚黎，個畫面先會咁豐富。

呢餐D野食都好好味，畀咁貴，有咁嘅環境，都值ge。

走嘅時候，天又落雨。叫個waiter call buggy，車我地返房。

返到房，見到浴缸放左個心形花辨泡泡浴，好靚

其實係housekeeper知道我地今晚係last night，聽日走la，所以整個咁嘅surprise畀我地。

閱讀更多 »

馬爾代夫旅行 2012 - Day4 Anantara Kihavah Villas (Part2)

(我要將 day4 分 2 parts，yahoo blog 先唔會delete我ge post law)

之後，就食左D係HK帶黎嘅零食。因為我同老公lunch係可以食個麵包就ok，一黎慳$，二黎我地真係食唔到咁多餐。

食完又係terrace度hea，我就曬太陽，老公上網。

到左4點令，我地又出去resort度周圍行、周圍影相，因為今日太好天la，超曬超熱。

我地見有D住客會借架單車踩，但其實resort可以踩嘅地方唔多。如果要黎代步，咁我地又覺得resort地方又唔係好大，慢慢行當散步；就算唔想行，可以call buggy。不過，呢個係我地睇法jei。

影完返房休息一陣，到左7點度，就等buggy黎車我地去main pool旁嘅Manzaru Italian restaurant dinner，因為一早book左枱同約左villa host黎接我地。

晩上main pool 底會有一點點五顏六色嘅燈光，好靚呢。我地就揀左池邊嘅枱黎坐。

我地叫左1個risotto、1個main dish、1個pizza、2杯mocktail。

呢度每碟份量都幾多，我地食晒，係超飽。但非常好味，而且埋單只係US$130左右。比起第一晚嘅lobster bbq buffet係好食兼平好多law！

歎完就行去reception，問下有無得唱散d美金，佢地真係有得唱，咁就唱左好多1、5、10蚊，因為係HK好難有咁多同咁細ge銀碼，真好！而且好難得個staff識講廣東話，佢話係Macau過黎training。

之後叫佢幫我地call buggy車我地返房。

閱讀更多 »

馬爾代夫旅行 2012 - Day4 Anantara Kihavah Villas (Part1)

瞓醒就行出去食早餐。今朝唔敢再食得太多，同埋唔飲咖啡，要左杯熱朱古力，好味
食完就周圍行、影下相，就返房。

Housekeeper又係度執緊房，我地又係terrace度hea。

Housekeeper走左之後，老公話眼瞓，要瞓陣覺。我就同間房係度影相。

個令鐘後，老公瞓醒，我地就換泳衣去浮潛lu。

今次個面罩ok la，咁我地就係房對出嘅海面度snorkeling。

其實房對出好淺水，行都好遠都只係浸到腰位。不過，幾乎無珊瑚可以睇到，有嘅都係D白化左，唔靚ga。

魚就好少，反而企番係terrace望落海度，仲見得多過浮潛。

有D失望lor，記得幾年前係浮羅交怡出海浮潛，一own個頭落水，就已經見到超多不同類型嘅魚、超多色彩繽紛嘅珊瑚la。我expect係Maldives任何地方，就算唔出海，都應該靚過Langkawi

之前villa host都話過畀我地聽，浮潛最好嘅位置係dive centre至spa centre果度。不過，唔想又失望，都無特登出去果邊。

玩左無耐，就上番房，係個泳池度再玩過。

閱讀更多 »